Kuch tasveerain, kuch gup shup

Assalam u Alaikum pyaray dostu aur sajnu umeed hay ap khairiat say hun gain aur apna weekend sakoon say guzar rahay hun gain. Hamara tu hafta bhi begar main guzar jata hay.

Raat 8 bahjay Ghar pohnchta hun, dinner Kay baad himat nahi parhti kuch karay ku. Abh nokri bhala koi assan shay tu hay nahi. Janay kub Iss nokri Kay chakar view say nikal payain gain.

Chalain Kiya bezaar karain ap dostu ko bus Zara dil hulka ker liya.

Aik taraf football ⚽ ka khel garam. Europe ki shandar teams 16 Kay round say bahir ho Gayain. Kal tu Kiya dhuwan dhaar match tah. Argentina ko barhay kantay ka muqabla kerna parha Cobe Verde say. Kamal ki team thi. Lekin Messi ka naseeb bahut ghazab so jeet tu Sikander ki he teherni thi. Yaadgar match tah aur salun yaad rahay ga.

Abh athay Hain crypto markets ki taraf. Bitcoin nay kuch paishrufth dikaye, Ethereum bhi Zara hal chal Kay mood main lagta hay. 1800 $ ku cross ker Gaya. Kafi rula diya Iss baari Altcoins nay. 2017 wala bull run tu bunta hay boss abh. Sabr ka Paimana labreez hota ja raha.

Ap ka chuti ka din Kesa guzarta hay. Meri tu Sunday ka aghaaz halwa puri say hota hay. Bachun ko lay ker nikal jata hun. Phir gharwali kay yani susral bhi hazri hoti hay. Lunch aksar wahain kertay.

Sham ko kisi park nikal jatay. Abh aik he din milta hay so behter hay Kay Bachun aur family Kay sath he guzara Jaye.

Abh nend anay lagi hay, baqi gup shup Kal sahi. Ecency pay roz ki hazri lagani hay aj say.

Kuch tasveerain kenchi harha urhi main shayad pasand a Jaye kisi ku.

Rub Rakha