The Beauty of India Through My Eyes

source

India na one country wey always dey catch my attention, even though I never travel go enter there before. Anytime I see pictures, movies or even listen to their music, e dey show me say that place get real beauty wey person no fit hide and be say you go want go there to see.

The first thing wey dey make India fine na their culture. Everywhere wey you turn, you go see people wey go still dey hold on to tradition. From the way dem dey wear saree and kurta, to how dem dey greet with “namaste” (I greet you with respect), it dey show say dem no dey play with who dem be.

Another beauty for India na the colors. If you ever watch Indian festival like Holi, you go see how people dey throw different color powder for air, dancing and smiling. The whole place go just shine like rainbow. Even for their weddings, you no go see dull moment at all. Bright clothes, plenty food, music, and family love everything all join together.

source

India also get natural beauty wey dey scatter my head. From the snow mountain for Kashmir, to the desert for Rajasthan, and down to the beach side in Goa e be like say the country carry all type of nature inside one place. Of course, who fit talk about India beauty without not to mention the Taj Mahal? That white building dey shine like storybook, and people dey call am symbol of love.

But the biggest beauty wey I see for India na the people. Dem dey simple, hardworking, and very proud of their root. Even though many Indians dey speak English, dem no forget their own language and tradition. That one alone dey show me say beauty no just dey for face or land, but e dey inside the way people carry themselves. That one na sign on to that people dey respect each other.

For me, India beauty na mixture of culture, color, history, and people heart. One day, if chance dey show, I go like waka reach there myself, to see all these things live with my own eyes.

https://vote.hive.uno/@thebbhproject

https://vote.hive.uno/@hivecuba

Support the witness and vote for TheBbhProject carried out by @bradleyarrow